అగస్త్య మహర్షి విరచిత శ్రీలక్ష్మీ స్తోత్రం

ఓం శ్రీ విష్ణువక్షస్థలస్థితాయై నమః

II అగస్త్య మహర్షి విరచిత శ్రీలక్ష్మీ స్తోత్రం II

జయ పద్మపలాశాక్షి జయ త్వం శ్రీపతిప్రియే I

జయ మాతర్మహాలక్ష్మి సంసారార్ణవ తారిణి II 1 II

మహాలక్ష్మీ నమస్తుభ్యం నమస్తుభ్యం సురేశ్వరి I

హరిప్రియే నమస్తుభ్యం నమస్తుభ్యం దయానిధే II 2 II

పద్మాలయే నమస్తుభ్యం నమస్తుభ్యం చ సర్వదే I

సర్వభూత హితార్థాయ వసువృష్ఠిం సదా కురు II 3 II

జగన్మాతర్నమస్తుభ్యం నమస్తుభ్యం దయానిధే I

దయావతి నమస్తుభ్యం విశ్వేశ్వరి నమోಽస్తుతే II 4 II

నమః క్షీరార్ణవసుతే నమస్త్రైలోక్యధారిణి I

వసువృష్టే నమస్తుభ్యం రక్ష మాం శరణాగతం II 5 II

రక్ష త్వం దేవదేవేశి దేవదేవస్య వల్లభే I

దరిద్రాత్రాహి మాం లక్ష్మీ కృపాం కురు మమోపరి II 6 II

నమస్త్రైలోక్య జనని నమస్త్రైలోక్య పావని I

బ్రహ్మాదయో నమస్తే త్వాం జగదానన్దదాయిని II 7 II

విష్ణుప్రియే నమస్తుభ్యం నమస్తుభ్యం జగద్ధితే I

ఆర్తహన్త్రి నమస్తుభ్యం సమృద్ధిం కురు మే సదా II 8 II

అబ్జవాసే నమస్తుభ్యం చపలాయై నమో నమః I

చంచలాయై నమస్తుభ్యం లలితాయై నమో నమః II 9 II

నమః ప్రద్యుమ్న జనని మాతుస్తుభ్యం నమో నమః I

పరిపాలయ భో మాతర్మాం తుభ్యం శరణాగతం II 10 II

శరణ్యే త్వాం ప్రసన్నోಽస్మి కమలే కమలాలయే I

త్రాహి త్రాహి మహాలక్ష్మీ పరిత్రాణపరాయణే II 11 II

పాండిత్యం శోభతే నైవ న శోభన్తి గుణా నరే I

శీలత్వం నైవ శోభేత మహాలక్ష్మీ త్వయా వినా II 12 II

తావద్విరాజతే రూపం తావచ్ఛీలం విరాజతే I

తావద్గుణా నరాణాం చ యావల్లక్ష్మీః ప్రసీదతి II 13 II

లక్ష్మిత్వయాలంకృత మానవా యే పాపైర్విముక్తా నృపలోకమాన్యాః I

గుణైర్విహీనా గుణినో భవన్తి దుశీలినః శీలవతాం వరిష్ఠాః II 14 II

లక్ష్మీర్భూషయతే రూపం లక్ష్మీర్భూషయతే కులం I

లక్ష్మీర్భూషయతే విద్యాం సర్వాల్లక్ష్మీర్విశిష్యతే II 15 II

లక్ష్మీ త్వద్గుణ కీర్తనేన కమలాభూర్యాత్యలం జిహ్నతాం I

రుద్రాద్యా రవిచన్ద్రదేవపతయో వక్తుం చ నైవ క్షమాః II 16 II

అస్మాభిస్తవ రూపలక్షణ గుణాన్వక్తుం కథం శక్యతే I

మాతర్మాం పరిపాహి విశ్వజనని కృత్వా మమేష్టం ధ్రువం II 17 II

దీనార్తిభీతం భవతాపపీడితం ధనైర్విహీనం తవ పార్వ్శమాగతం I

కృపానిధి త్వాన్మమ లక్ష్మి సత్వరం ధనప్రదానాద్ధన్నాయకం కురు II 18 II

మాం విలోక్య జనని హరిప్రియే ! నిర్ధనం త్వత్సమీపమాగతం I

దేహిమే ఝటితి లక్ష్మి ! కరాగ్రం వస్త్రకాంచనవరాన్నమద్భుతం II 19 II

త్వమేవ జననీ లక్ష్మి పితా లక్ష్మి త్వమేవ చ II

త్రాహిత్రాహి మహాలక్ష్మీ  త్రాహిత్రాహి సురేశ్వరి I

త్రాహిత్రాహి జగన్మాతర్దరిద్రా త్రాహి వేగతః II 20 II

నమస్తుభ్యం జగద్ధాత్రి నమస్తుభ్యం నమో నమః I

ధర్మాధారే నమస్తుభ్యం నమః సంపత్తి దాయినీ II 21 II

దరిద్రార్ణవమగ్నోಽహం నిమగ్నోಽహం రసాతలే I

మజ్జన్తం మాం కరే ధృత్వా సూద్ధర త్వం రమే ద్రుతం II 22 II

కిం లక్ష్మి బహునోక్తేన జల్పితేన పునః పునః I

అన్యన్మే శరణం నాస్తి సత్యం సత్యం హరిప్రియే II 23 II

 యేతత్ శృత్వాಽగస్తివాక్యం హృష్యమాణ హరిప్రయా I

ఉవాచ మధురాం వాణీం తుష్టాహం తవ సర్వదా II 24 II

II లక్ష్మీఉవాచ II

యత్త్వయోక్తమిదం స్తోత్రం యః పఠిష్యతి మానవః I

శృణోతి చ మహాభాగస్తస్యాహం వశవర్తినీ II 25 II

నిత్యం పఠతి యో భక్త్యా త్వ లక్ష్మీస్తస్య నశ్యతి I

రణశ్చ నశ్యతే తీవ్రం వియోగం నైవ పశ్యతి II 26 II

యః పఠేత్ ప్రాతరుద్ధాయ శ్రద్ధా-భక్తి సమన్వితః I

గృహే తస్య సదా స్థాస్యే నిత్యం శ్రీపతినా సహ II 27 II

సుఖ సౌభాగ్య సంపన్నో మనస్వీ బుద్దిమాన్ భవేత్ I

పుత్రవాన్ గుణవాన్ శ్రేష్ఠో భోగభోక్తా చ మానవః II 28 II

ఇదం స్తోత్రం మహాపుణ్యం లక్ష్మ్యగస్తిప్రకీర్తితం I

విష్ణుప్రసాదజననం చతుర్వర్గ ఫలప్రదం II 29 II

రాజద్వారే జయశ్చైవ శత్రోశ్చైవ పరాజయః I

భూతప్రేత పిశాచానాం వ్యాఘ్రాణాం న భయం తథా  II 30 II

న శస్త్రానలతోయౌఘాద్భయం తస్య ప్రజాయతే I

దుర్వృత్తానాం చ పాపానాం బహుహానికరం పరం II 31 II

మన్దురాకరిశాలాసు గవాం గోష్ఠే సమాహితః I

పఠేత్తద్దోషశాన్త్యర్థం మహాపాతకనాశనం II 32 II

సర్వసౌఖ్యకరం నృణాం ఆయురారోగ్యదం తథా I

అగస్త్యమునినా ప్రోక్తం ప్రజానాం హితకామ్యయా II 33 II

II ఇతి శ్రీ అగస్త్య మహర్షి విరచిత శ్రీలక్ష్మీస్తోత్రం సంపూర్ణం II

సర్వం శ్రీవల్లీదేవసేనాసమేత శ్రీసుబ్రహ్మణ్యేశ్వరార్పణమస్తు