మూకపంచశతి - మొత్తం 5 శతకములు

ఓం శ్రీ కామాక్ష్యై నమః

 ఓం శ్రీ గురుభ్యో నమః
కామాక్షీ అమ్మవారి మరియు ఏకాంబరేశ్వరుని నిర్హేతుక కృపా కటాక్షముల వలన, అనేక రోజులుగా (నెలలుగా) వివిధ భాగాలుగా తెలుగు లిపిలో వ్రాస్తున్న "మూకపంచశతి-5 శతకములు" మొత్తం పూర్తి అయ్యాయి. ఇందులోని మొత్తం ఐదు శతకాలు (500 శ్లోకాలు) కలిపి ప్రింట్ తీసుకుని పారాయణ చేయడానికి వీలుగా ఒకే PDF పుస్తకంగా చేసి ఈ క్రింద లంకెలో పొందుపరిచాను. కావలసిన వారు ఈ లంకె లోకి వెళ్ళి దానిని ప్రింట్ తీసుకోవచ్చు. 

మూకపంచశతి - 5 శతకములు
 
అంతేకాక, శ్రీ చెరువు కాశీవిశ్వనాథ ప్రసాద్ గారి సహాయం వల్ల, మూకపంచశతి యొక్క ప్రతిపదార్ధ
 సహిత తాత్పర్యం దొరికే చోటు లభించింది. దీనిని తెనాలి లోని, సాధనా గ్రంధ మండలి వారు ప్రచురించారు. మూక పంచశతి లోని ఐదు శతకములను శ్రీ దోర్భల విశ్వనాథ శాస్త్రి గారు తెలుగులోకి అనువదించారు. ఈ క్రింది చిరునామా నుండి వారికి ఫోన్ చేసి ఈ పుస్తకాలు తెప్పించుకోవచ్చు. ఈ పుస్తకాలు అన్నీ, ఐదు శతకాలకి, ఐదు పుస్తకాలు, అన్నీ కలిపి సుమారు రెండు వందల రూపాయలు మాత్రమే ధర, ఆపై పోస్ట్ లో లేదా కొరియర్ లో పంపించడానికి అయ్యే ఖర్చు అవుతుంది.
 
సాధన గ్రంధ మండలి, 
డోరు నెం.1-35-54, మల్లాదివారి వీధి, 
L.R.M.క్లుబ్బు రోడ్డు, 
ఆక్ష్వర్డ్ స్కూలు ప్రక్కన నాసర్ పేట, 
తెనాలి  ఫోను నెం 08644220857, 
సంప్రదించదగిన వ్యక్తిః శ్రీ హరి శంకర్ శర్మ గారు.

మూకపంచశతి తెలుగులో వ్రాయడానికి సంకల్పించి, వ్రాయడం మొదలు పెట్టినప్పటి నుండి, నిరంతరం ప్రోత్సహిస్తూ, నాకు ఆశీస్సులు అందించిన పెద్దలందరికీ నా హృదయ పూర్వక కృతజ్ఞతలు, ముఖ్యంగా పూజ్యులు శ్రీ చెరువు కాశీ విశ్వనాథ ప్రసాద్ గారికి, శ్రీ రామచంద్రరావు గారికి (శ్రీ భాస్కరానందనాథ గారు), శ్రీ సూర్య నాగేంద్ర గారికి, శ్రీ సురేష్ బాబు గారికి, శ్రీ చింతా రామకృష్ణారావు గారికి,
 శ్రీ చింతా విజయ గారికి, శ్రీ అర్క సోమయాజి గారికి  నా కృతజ్ఞతాభివందనములు.

ఈ జత చేసిన లిపిలో ఏమైనా అక్షర దోషములు ఉంటే, పెద్దలు తెలియజేయగలరు.

సర్వం శ్రీవల్లీదేవసేనాసమేత శ్రీసుబ్రహ్మణ్యేశ్వరార్పణమస్తు