 |
ఓం శ్రీ శివప్రియాయై నమః |
II మూక పంచశతి - మందస్మిత శతకం II (61-70 శ్లోకములు)
యాన్తీ లోహితి మానమభ్రతటినీ ధాతుచ్ఛటాకర్దమైః
భాన్తీ బాలగభస్తిమాలికిరణైః మేఘావలీ శారదీ I
బింబోష్ఠద్యుతిపుంజచుంబనకలా శోణాయమానేన తే
కామాక్షి స్మితరోచిషా సమదశామారోఢుమాకాంక్షతే II 61 II
శ్రీకామాక్షి ముఖేన్దుభూషణమిదం మందస్మితం తావకం
నేత్రానందకరం తథా హిమకరో గచ్ఛేద్యథా తిగ్మతాం I
శీతం దేవి తథా యథా హిమజలం సంతాపముద్రాస్పదం
శ్వేతం కించ తథా యథా మలినతాం ధత్తే చ ముక్తామణిః II 62 II
త్వన్ మందస్మిత మంజరీం ప్రసృమరాం కామాక్షి చన్ద్రాతపం
సన్తః సంతతమామనన్త్యమలతా తల్లక్షణం లక్ష్యతే I
అస్మాకం న ధునోతి తాపకమధికం ధూనోతి నాభ్యన్తరం
ధ్వాన్తం తత్ఖలు దుఃఖినో వయమిదం కేనేతి నో విద్మహే II 63 II
నమ్రస్య ప్రణయప్రరూఢ కలహచ్ఛేదాయ పాదాబ్జయోః
మందం చంద్రకిశోరశేఖరమణేః కామాక్షి రాగేణ తే I
బన్ధూక ప్రసవశ్రియం జితవతో బంహీయసీం తాదృశీం
బింబోష్ఠస్య రుచిం నిరస్యహసిత జోత్స్నావయస్యాయతే II 64 II
ముక్తానాం పరిమోచనం విదధతత్ తత్ప్రీతినిష్పాదిని
భూయో దూరత ఏవ ధూతమరుతః తత్పాలనం తన్వతీ I
ఉద్భూతస్య జలాంతరాదవిరతం తద్దూరతాం జగ్ముషీ
కామాక్షి స్మితమంజరీ తవ కథం కంబోస్తులామశ్నుతే II 65 II
శ్రీకామాక్షి తవ స్మితద్యుతిఝరీ వైదగ్ధ్యలీలాయితం
పశ్యంతోಽపి నిరంతరం సువిమలం మన్యా జగన్మండలే I
లోకం హాసయితుం కిమర్థమనిశం ప్రాకాశ్యమాతన్వతే
మందాక్షం విరహయ్య మఙ్గళతరం మందారచంద్రాదయః II 66 II
క్షీరాబ్ధేరపి శైలరాజతనయే త్వన్ మందహాసస్య చ
శ్రీకామాక్షి వలక్షిమోదయనిధేః కించిద్భిదాం బ్రూమహే I
ఏకస్మై పురుషాయ దేవి స దదౌ లక్ష్మీం కదాచిత్పురా
సర్వేభ్యోಽపి దదాత్యసౌ తు సతతం లక్షీం చ వాగీశ్వరీమ్ II 67 II
శ్రీకాంచీపుర రత్నదీపకలికే తాన్యేవ మేనాత్మజే
చాకోరాణి కులాని దేవి సుతరాం ధన్యాని మన్యామహే I
కంపాతీర కుటుంబచంక్రమకలా చుంచూని చంచూపుటైః (కామాక్షి తే)
నిత్యం యాని తవ స్మితేందుమహసాం ఆస్వాదమాతన్వతే II 68 II
శైత్యప్రక్రమమాశ్రితోಽపి నమతాం జాడ్యప్రథాం ధూనయన్
నైర్మల్యం పరమం గతోಽపి గిరిశం రాగాకులం చారయన్ I
లీలాలాప పురస్సరోಽపి సతతం వాచంయమాన్ప్రీణయన్
కామాక్షి స్మితరోచిషాం తవ సముల్లాసః కథం వర్ణ్యతే II 69 II
శ్రోణీచంచలమేఖలాముఖరితం లీలాగతం మన్థరం
భ్రువల్లీచలనం కటాక్షవలనం మందాక్ష వీక్షాచణమ్ I
యద్వైదగ్ధ్యముఖేన మన్మథరిపుం సంమోహయన్త్యంజసా
శ్రీకామాక్షి తవ స్మితాయ సతతం తస్మై నమస్కుర్మహే II 70 II
సర్వం శ్రీవల్లీదేవసేనాసమేత శ్రీసుబ్రహ్మణ్యేశ్వరార్పణమస్తు
కామెంట్‌లు లేవు:
కామెంట్‌ను పోస్ట్ చేయండి