 |
| గురుమూర్తే త్వాం నమామి కామాక్షీ |
II క్రోధభట్టారక విరచిత శ్రీ
ఆర్యాద్విశతి – 2వ భాగము II (శ్రీ
లలితాస్తవరత్నమ్)
అనయోర్మధ్యే సన్తత
మఙ్కూరిత దివ్యగన్ధ కుసుమాయామ్ I
మన్దార వాటికాయాం మానస
మఙ్గీకరోతు మే విహృతిమ్ II 20 II
తస్యామిషోర్జలక్ష్మీ
తరుణీభ్యాం శరదృతు స్సదా సహితః I
అభ్యర్చయన్ స జీయా
దమ్బా మామోద మేదురైః కుసుమైః II 21 II
తస్యర్షి సఙ్ఖ్య యోజన
తస్యర్షి సఙ్ఖ్య యోజన
దూరే దేదీప్యమాన శృఙ్గాఘః I
కలధౌత రచిత మూర్తిః
కల్యాణం దిశతు సప్తమ స్సాలః II 22 II
మధ్యే తయో ర్మరుత్పథ
లఙ్ఘిత విటపాధ్వ కలకణ్ఠే I
శ్రీ పారిజాతవాటీ
శ్రియ మనిశం దిశతు శీతలోద్దేశా II 23 II
తస్యా మతి ప్రియాభ్యాం
సహఖేలన్ సహసహస్య లక్ష్మీభ్యాం I
సామన్తో ఝషకేతో
ర్హేమన్తో భవతు హేమవృద్ధ్యై నః II 24 II
ఉత్తరత స్తస్య మహా
నద్భుత హుతభుక్ఛిఖారుణ మయూఖః I
తపనీయఖణ్డరచిత
స్తనుతా దాయుష్య మష్టమో వరణః II 25 II
కాదమ్బ విపిన వాటీ
మనయోర్మధ్యభువి కల్పితా వాసామ్ I
కలయామి సూన కోరక
కన్దలితామోద తున్దిల సమీరామ్ II 26 II
తస్యామతీవ శిశిర
స్తప స్తపస్యాఖ్య మాస లక్ష్మీభ్యామ్ I
శివ మనిశం సహితో మే
శీతర్తుర్దిశతు శీతల దిగన్తః II 27 II
తస్యాం కదమ్బ వాట్యాం
తత్ప్రసవామోద మిళిత మధుగన్ధమ్ I
నవావరణ మనోజ్ఞం
శరణం సముపైమి మన్త్రిణీ శరణమ్ II 28 II
తత్రాలయే విశాలే
తపనీయారచిత తరళ సోపానే I
మాణిక్య మణ్టపాన్తే
మహతి సుసింహాసనే మణిఖచితే II 29 II
బిన్దు త్రికోణ పఞ్చ
ద్విప నృప వసువేద దళ కురేఖాఢ్యే I
చక్రేసదా నివిష్టాం
షష్ట్యష్ట త్రింశదక్షరేశానీమ్ II 30 II
తాపిఞ్చి మేచకాఙ్గీం
తాళీదళ ఘటిత కర్ణ తాటఙ్కామ్ I
తామ్బూల పూరిత ముఖీం
తామ్రాధర బిమ్బ దష్ట దరహాసామ్ II 31 II
కుఙ్కుమ పఙ్కిల దేహాం
కువలయ జీవాతు శాబకవతంసామ్ I
కోకనద శోణ చరణాం
కోకిల నిక్వాణ కోమలాలాపామ్ II 32 II
వామాఙ్క కలిత చూళీ
వలమాన కదమ్బ మాలికాభరణమ్ I
ముక్తా లల న్తికాఞ్చిత
ముగ్ధాళిక మిళిత చిత్రకోదారామ్ II 33 II
కర విధృత కీర శాబక
కలనినద వ్యక్త నిఖిల నిగమార్ధామ్ I
వామ కుచ నిహిత వీణా
వాదన సౌఖ్యార్ధ మీలితాక్షి యుగామ్ II 34
II
ఆ పాటలాంశుకధరా
మాదిరసోన్మేష వాసిత కటాక్షామ్ I
ఆమ్నాయ సార ఘుటికా
మాద్యాం సఙ్గీత మాతృకాం వన్దే II 35 II
తస్య చ సువర్ణసాల
స్యోత్తరత స్తరుణ కుఙ్కుమ చ్ఛాయః I
శమయతు మమ సన్తాపం
సాలో నవమస్తు పుష్యరాగ మయః II 36 II
అనయో ర న్తరవసుధాః
ప్రణూమః ప్రత్యగ్ర పుష్యరాగ మయీః I
సింహాసనేశ్వరీ మను
చిన్తన ని స్తన్ద్ర సిద్ధ నీరన్ధ్రాః II
37 II
తత్సాలోత్తర దేశే
తరుణ జపాకిరణ ధోరణీ శోణః I
ప్రశమయతు పద్మరాగ
ప్రాకారో మే పరాభవం దశమః II 38 II
అన్తర భూకృతవాసా
ననయో రపనీత చిత్త వైమత్యాన్ I
చక్రేశ పదభక్తాం శ్చారణ
వర్గా నహర్నిశం కలయే II 39 II
సారఙ్గవాహ యోజన
దూరే సఙ్ఘటిత కేతన స్తస్య I
గోమేధికేన రచితో
గోపాయతు మాం సమున్నత స్సాలః II 40 II
సర్వం శ్రీవల్లీదేవసేనాసమేత
శ్రీసుబ్రహ్మణ్యేశ్వరార్పణమస్తు
కామెంట్‌లు లేవు:
కామెంట్‌ను పోస్ట్ చేయండి