II భగవాన్ క్రోధభట్టారక విరచిత శ్రీ
ఆర్యాద్విశతి – 1వ భాగము II
(శ్రీ
లలితాస్తవరత్నమ్)
అస్తు తచ్ఛ్రేయసే నిత్యం
వస్తు వామాఙ్గ సున్దరం I
యత స్తృతీయం విదుషా
తురీయం త్రైపురం మహః II
పుంరూపాం వా స్మరేద్దేవీం
స్త్రీరూపాం వా విచిన్తయేత్ I
అథవా నిష్కలం ధ్యాయేత్
సచ్చిదానన్ద లక్షణమ్ II
అస్య శ్రీ లలితా స్తవరత్న మహామన్త్రస్య I భగవాన్ క్రోధభట్టారకః శ్రీ దుర్వాసో ఋషిః ఋషయే నమః (శిరసి) ఆర్యాపఙ్తిః ఛన్దః ఛన్దసే నమః (ముఖే) సపరివారా శ్రీలలితా పరాభట్టారికా దేవతా (హృదయే)
బీజ – శక్తి – కీలకములు
ఐం. తాపిఞ్చ మేచకాఙ్గీం
తామ్రాధర బిమ్బ దష్ట దరహాసాం I
తామ్బూల పూరిత ముఖీం
తాళీదళ ఘటిత కర్ణ తాటఙ్కామ్ II
ఇతి బీజం బీజాయ నమః
సౌః. ధూర్తానా మతిదూరా
వార్తా శేషావలగ్న కమనీయా I
ఆర్తాళీ శుభదాత్రీ
వార్తాళీ భవతు వాఞ్ఛితార్థాయ II
ఇతి శక్తిః శక్తయే నమః
క్లీం. ఆదిమ రసావలమ్బాం
అనిదం ప్రధమోక్తి వల్లరీ కలికామ్ I
ఆ
బ్రహ్మ కీట జననీం
అన్తః కలయామి సున్దరీ మనిశమ్ II
ఇతి కీలకమ్ – కీలకాయ నమః
శ్రీలలితా ప్రీత్యర్థే స్తవరత్న పారయణే
వినియోగః I
II ధ్యానం II
ఆదిమ రసావలమ్బా
మనిదం ప్రథమోక్తి వల్లరీ కలికామ్ I
ఆబ్రహ్మ కీట జననీ
మన్తః కలయామి సున్దరో మనిశమ్ II
నతజన సులభాయ నమో
నాళీక సనాభి లోచనాయ నమః I
నన్దిత గిరిశాయ నమో
మహ్సే నవనీప పాటలాయ నమః II
పవనమయి పావకమయి
క్షోణిమయి వ్యోమయి కృపీటమయి I
రవిమయి శశిమయి దిఙ్మయి
సమయమయి ప్రాణమయి శివే పాహి II
కాళీ ! కపాలని ! శూలిని !
భైరవి ! మాతఙ్గీ ! పఞ్చమీ ! త్రిపురే !
వాగ్దేవీ ! విన్ధ్యవాసిని !
బాలే ! భువనేశి ! పాలయ చిరం మామ్ II
శ్రీలలితామ్బాయై నమః
II అథ శ్రీలలితా స్తవరత్న మహామన్త్రమ్ II
వన్దే గజేన్ద్ర వదనం
వామాఙ్కారూఢ వల్లభాశ్లిష్టమ్ I
కుఙ్కుమ పరాగ శోణం
కువలయినీ జార శాబకాపీడమ్ II 1 II
స జయతి సువర్ణ శైలః
సకల జగచ్చక్ర సంఘటిత మూర్తిః I
కాఞ్చన నికుఞ్జవాటీ
కన్దళదమరీ ప్రపఞ్చ సఙ్గీతః II 2 II
హరిహయ నైర్ ఋత మారుత
హరిహయ నైర్ ఋత మారుత
హరితా మన్తేష్వవస్థితం తస్య I
వినుమ స్సానుత్రితయం
విధి హరి గౌరీశ విష్టపాధారమ్ II 3 II
మధ్యే పునర్మనోహర
రత్నరుచి స్తబక రఞ్జిత దిగన్తమ్ I
వినుమ స్సానుత్రితయం
విధి హరి గౌరీశ విష్టపాధారమ్ II 4 II
తత్ర చతుశ్శతయోజన
పరిణాహం దేవశిల్పినా రచితమ్ I
నానాసాల మనోజ్ఞం
నమామ్యహం నగర మాదివిద్యాయాః II 5 II
ప్రథమం సహస్రపూర్వక
షట్ఛత సఙ్ఖ్యాక యోజనం పరితః I
వలయీకృత స్వగాత్రం
వరణం శరణం వ్రజామ్యయో వరణమ్ II 6 II
తస్యోత్తరే సమీరణ
యోజన దూరే తరఙ్గితచ్ఛాయః I
ఘటయతు ముదం ద్వితీయో
ఘణ్టాస్వనసారనిర్మితస్సాలః II 7 II
ఉభయో రన్తరసీమ న్యుద్దామ
భ్రమర రఞ్జితో దారమ్ I
ఉపవన ముపాస్మహే వయ
మూర్తీకృత మన్దమారుత స్పన్దమ్ II 8 II
ఆలిఙ్గ్య భద్రకాళీ మాసీన
స్తత్ర హరిశిలా శ్యామామ్ I
మనసి మహాకాళో మే
విహరతు మధుపాన విభ్రమన్నేత్రః II 9 II
తృతీయా వరణ
స్తస్యోత్తరసీమ్ని వాత యోజనతః I
తా మ్రేణ రచితమూర్తి
స్తమతా దాచన్ద్రతారకం భద్రమ్ II 10 II
మధ్యే తయోశ్చ మణిమయ
శాఖా ప్రసూన పక్ష్మళితామ్ I
కల్పానోకహవాటీం కలయే
మకరన్ద పఙ్కిలావాలామ్ II 11 II
తత్ర మధు మాధవశ్రీ
తరుణీభ్యాం తరళ దృక్చకోరాభ్యామ్ I
ఆలిఙ్గితోఽ వతాన్మా
మనిశం ప్రథమర్తు రాత్త పుష్పాస్త్రః II 12 II
నమత తదుత్తరభాగే
నాకీ పథోలాసి శృఙ్గ సఙ్ఘాతమ్ I
సీసాకృతిం తురీయం
సితకిరణాలోక నిర్మలం సాలమ్ II 13 II
సాలద్వయా న్తరాళే
సరళానిల పోత దారు సుభగాయామ్ I
సంతాన వాటికాయాం
సక్తం చేతోఽస్తు సతత మస్మాకమ్ II 14 II
తత్ర తపనాతి రూక్షః
సమ్రాఙ్ఞీ చరణ రఞ్జిత స్వాన్తః I
శుక్ర శుచి శ్రీ సహితో
గ్రీష్మర్తుర్దిశతు కీర్తి మాకల్పమ్ II 15 II
ఉత్తర సీమని తస్యోన్నత
శిఖరోల్లాసి హాటక పతాకః I
ప్రకటయతు పఞ్చమోనః
ప్రాకారః కుశల మారకూట మయః II 16 II
ప్రాకారయోశ్చ మధ్యే
పల్లవితాన్యభృత పఞ్చమోద్ఘోషా I
హరిచన్దన ద్రువాటీ
హరతా దామూల మస్మదనుతాపమ్ II 17 II
తత్ర నభశ్శ్రీముఖ్యై
స్తరుణీ ముఖ్యై స్సమన్వితః పరితః I
వజ్రాట్టహాస ముఖరో
వాఞ్ఛాపూర్తిం తనోతు వర్షర్తుః II 18 II
మారుత యోజన దూరే
మహనీయ స్తస్యచోత్తరే భాగే I
భద్రం కృషీష్ట షష్ఠః
ప్రాకారః పఞ్చ లోహధాతు మయః II 19 II
అనయోర్మధ్యే సన్తత
మఙ్కూరిత దివ్యగన్ధ కుసుమాయామ్ I
మన్దార వాటికాయాం మానస
మఙ్గీకరోతు మే విహృతిమ్ II 20 II
II సర్వం శ్రీవల్లీదేవసేనాసమేత
శ్రీసుబ్రహ్మణ్యేశ్వరార్పణమస్తు II
కామెంట్‌లు లేవు:
కామెంట్‌ను పోస్ట్ చేయండి